Saint-Exupéry, Antoine de / Escritor
Cun disegns da l'autur
Versiun valladra da Not Vital e Jachen Curdin Arquint
La prüma saira m'haja indurmanzà aint il sablun, milli miglias dalöntsch da mincha regiun abitada. Eu d'eira plè abandunà co ün chi ha fat naufragi sün ün flöz immez l'ocean. Lura, s'impissai co ch'eu sun stat surprais, cur cha, la daman sül far di, üna curiusa vuschina m'ha sdruaglià cun dir: "Ch'El fetscha il bain...Disegne ün besch per mai" - "Chee?"
"Disegna ün besch per mai..."
Eu sun sagli in pè, sco toc da la sajetta. Eu n'ha struschà isl ögls. Eu n'ha guardà plè precis. Ed eu n'ha vis ad ün homet pitschen tuottafat straordinari chi'm contemplaiva cun gravità .
