AA.VV
Biblían, höfuðtrúarrit kristinna manna og sú bók sem mest hefur mótað vestræna menningu, er nú fáanleg í fallegri kiljuútgáfu. Markmið hennar er að gera texta Biblíunnar sem aðgengilegastan flestum ekki síst ungu fólki og öðrum sem vilja kynna sér boðskap hennar og sögu.
Biblían skiptist í tvo aðalhluta, Gamla testamentið og Nýja testamentið. Í Gamla testamentinu eru 39 rit sem urðu til á mörgum öldum, en sumt af efni þeirra varðveittist í munnlegri geymd áður en það var fært í letur. Gamla testamentið rekur sögu Gyðingaþjóðarinnar og greinir frá trú hennar og menningu, en varpar jafnframt ljósi á sögu fornra menningarþjóða í Mið-Austurlöndum. Í Nýja testamentinu eru 27 bækur, sem hafa að geyma sögur af Jesú sagðar af lærisveinum hans, þ.e. guðspjöllin, en hið elsta þeirra er talið ritað um 80 e. Kr. Auk þess inniheldur Nýja testamentið bréf postulanna til kristinna safnaða víðsvegar í rómverska ríkinu og er hið elsta þeirra ritað um 56 e. Kr.
Nýja útgáfan er tæpar 1900 síður en í afar léttu og þægilegu broti sem fer vel í hendi.
JPV útgáfa gefur Biblíuna út í samstarfi við Hið íslenska Biblíufélag sem annast hefur útgáfu íslenskra Biblía frá árinu 1815.
